Loutchina Decius Anonse Nouvo Mizik li ” Moun Pa Konn Renmen Konsa “

Chantèz evanjelik, Loutchina Decius bay fanatik li yo randevou pou yon nouvo mizik. Zèv sa ki titre « Moun pa konn renmen konsa » ap soti 10 fevriye 2026, a 6è nan aswè.

Sou rezo a, atis la fè konnen : « Benediksyon pa sèlman pran figi byen materyèl. Pafwa, se yon moun BonDye depoze sou chemen lavi w, yon prezans ki tounen yon benediksyon vivan, yon kado presye ki pa gen okenn pri ».

Loutchina envite tout moun abòne kounya ak chanèl Youtube la epi rete konekte ak tout paj li yo pou yo ka dekouvri mizik sa.

Jephte Estiverne