Dènye Nouvèl sou Rutshelle : Manje a Pare !

4 lane aprè depi Rutshelle te soti dènye albòm li, diva peyi a finalman anonse 4èm lan pou 12 novanm k ap vini la, a minui. Sa pa gen anviwon 2 semèn depi Diva soti “Detèmine”, mizik sa te sanse reprezante anons nouvo albòm lan ak yon ton byen angaje pou lavni.

Rutshelle se pwopriyetè 3 albòm deja e li batize yo anba non : emosyon ki soti nan lane 2014, rebèl nan lane 2018 ak QQA nan lane 2021. Apresa atis la te pwopoze yon sesyon live (RG Band Live session) nan kòmansman lane 2025 lan.

Byen bonè maten an, nou tonbe sou anons atis la ki devwale cover albòm lan ak tout tit (12 ERA) epi ak lis tout mizik k ap sou li yo.

22 mizik ak 7 bèl envitasyon (featuring) nou pwal site yo pou ou youn aprè lòt :

1- Genèse feat Yole Derose and Frantz Duval

2- Good Good

3- DGU (Don’t Give Up)

4- Ou mechan

5- Can’t get over you

6- Dyalòg feat Jocelyne Beroard

7- San ou

8- Mwen wè m nan ou

9- Sere m feat Fanny J

10- Adikte

11- Lavi nou chifonnen

12- Twilight feat Wyclef Jean

13- Chanje

14- Kè m kraze

15- Kole

16- 2 pye m mare

17- Stay

18- Mirak

19- Tag li feat Bamby

20- Distans

21- Déterminée

22- Tolere w feat Kaï

Nan kòmantè sou paj rezo sosyal Ruthselle yo, fanatik yo eksprime enpasyans yo pou resevwa albòm lan epi eksprime lanmou yo pou atis trace awards 2023 a. Menm gen nan yo ki gentan ap mande dat toune yo pou kapab rezève plas yo.

4èm albòm sila, menm jan ak 3 premye yo, nou konvenki y ap pote yon diplis nan pwodiksyon mizikal sou mache a. An nou tann ansanm !