Connect with us

Kikko Lyrixx : Youn nan Pi Bon Pawolye Mizik Ayisyèn nan

NEWS

Kikko Lyrixx : Youn nan Pi Bon Pawolye Mizik Ayisyèn nan

Depi kek tan deja Wilky St Hilaire alyas Kikko Lyrixx se youn nan moun ki pa sispann pase ti plim poul nan zòrèy nou ak bèl konpozisyon li reyalize. Konpozitè, chantè, aranjè, pawolye jan nou konnenl deja li travay pou anpil djaz ak atis dayè nan moman sa lap travay pou plizyè nan yo.

An menm tan li deside travay sou album li ki gen pou soti nan ane 2021 an. Albòm sa ap gen plizyè atis sou li tankou: Jude Jean, Masterbrain, Vens le penseur, Nolly. Se yon albòm lanmou paske sijè lanmou se pwen fò Kikko men sa pa vle di li pa ka touche lòt sijè dayè atis la pa doute li gen yon don pou li imajine kèk istwa e lè wap swiv istwa sa yo wap kwè yo reyèl daprè sa Kikko di nou.

Tèks atis la konn dekoule de eksperyans li viv men pi fò nan yo se fwi imajinasyon l. Albòm sila ap gen 6 ou 7 mizik sou li e nou ka jwenn yon 3 videyo selon sa konpozitè a fè nou kwè. Pawolye peyi a, jan li rele tèt li, pa souvan chante.

Lè nou gade kantite zèv li gen sou mache a li sèlman chante lanmou marem ak K-dans, i miss my ex ak zenglen epi miyèt moso.

Miyèt moso se yon bèl grenn konpozisyon menm jan ak tout lòt yo atis la deside remikse pou li pote yon lòt frechè ladan. Nan remix sa nap benefisye de prezans Nolly ki se yon rapè. Videyo sa deja pare nap jwenn li 28 fevriye ane sa. Lè nou founi je gade zèv Kikko yo fanatik yo ka atann ak yon bon bagay. 

Malgre siksè Kikko li pa janm bouke travay se pou sa li pwofite de okazyon sa pou li di ak tout jèn ki gen yon talan pou yo pèsevere e bay tèt yo disiplin. Li kontinye pou l di yo pa kite pèsòn di yo yo pa ka fè, se yo ki responsab destine yo Bondye ka ba yo talan se vre men fok yo travay anpil pou reyalize pwojè yo. 


Guirlande B St Hubin | gbsainthubin@gmail.com

Continue Reading
You may also like...
Comments

More in NEWS

To Top