Connect with us

ENPOSIB | Nouvo Fenomèn Mizik Ayisyèn nan !

NEWS

ENPOSIB | Nouvo Fenomèn Mizik Ayisyèn nan !

Li enposib pou w ap pale de konpa nan jou sa yo pou w pa pale de “ENPOSIB”. ENPOSIB se yon gwoup mizikal, ki gen Medjy Toussaint kòm chantè nimewo 1, ki rive sou mache Ayisyen an depi plis pase 4 lane, kote yon ti tan apre yo ta pral soti premye albòm yo ki gen pou tit “CHAY”.

Malgre anpil bel konpozisyon ki gen sou albòm sa, gran piblik la pat vrèman wete chapo devan djaz la sòf sila yo ki gen nen yo pi fen nan konpa. Men nan dènye jou sa yo, ENPOSIB poze anprent li sou konpa a plis toujou avek dezyèm albòm ki soti 25 jiyè ki sot pase a. “Kamasootra” se non albòm sila. Yon tit ki vle di divès fason yon moun ka retwouvel nan chak grenn mizik ki sou albòm sa daprè Jn Marc ki se manadjè djaz la.

Soti 25 jiyè 2020, dat Kamasootra te sòti a, rive 8 janvye 2021 gwoup ENPOSIB reyalize 69 prestasyon ant kapital la ak vil pwovens yo. Se moman ki pi chofe nan karyè djaz la. Yon eksplwa ki fè kè tout fanatik gwoup la kontan men tou ki pote kè kase pou kèk nan yo ki panse djaz la ka frennen pi devan. “ENPOSIB fèk kare fleri nan jaden kilti Ayisyèn nan” selon sa Jn Marc fè nou kwè. Li kontinye pou di yo pral kote yo poko ale yo paske demand yo anpil, gen kote yo poko ale satisfè fanatik yo e gen kote menm si yo ta ale chak semèn moun yo pap sispann vin danse.

Yon fason pou manadjè a retire tout kè kase fanatik yo. Li tou pwofite pou l di ak tout moun ki panse djaz la pap byen jwe sitou ak manm laprès kiltirel la, yo pare pou korije e amelyore tout sa ki merite ranje men pèsòn pap ka jwenn okenn lot djaz anndan ENPOSIB. Sa a enposib. “Nou gen fason pa nou nan nivo pwodiksyon kidonk nou pa sanble ak pèsòn” toujou daprè Jn Marc.

Pou yon djaz fè siksè li dwe travay di e kenbe anpil disiplin. Se resèt sa gwoup ENPOSIB itilize. Se vre yo te konnen kek lot siksè men se albòm “Kamasootra” ki ba yo plis siksè toujou. Kidonk rezilta plis travay yo.

Malgre tout siksè sa djaz la ap konnen la, sa pa anpeche yo soufri kanmenm akoz kowona ki mete barikad li ant gwoup la ak fanatik ki nan dyaspora a. ENPOSIB mande fanatik sila yo pran pasyans pandan yap kontinye aplike jès baryè yo pou rete an sante, yon fason pou danse djaz la lè moman an favorab epi li tou anonse ak tout fanatik alawonnbadè gen anpil bagay dèyè tankou: plis pase 4 videyo nan kwizin e yo deja nan estidyo pou 3ème albòm nan.

Anpil sipriz ap vini, fanatik ENPOSIB preparew pou kontinye danse djazOu!


Guirlande B St Hubin | gbsainthubin@gmail.com

Continue Reading
You may also like...
Comments

More in NEWS

To Top