Maestro Nicky ap Reve yon Konsè Zenglen Reunion

Maestro Nicky ap Reve yon Konsè Zenglen Reunion

Nan yon ekstrè “ Tout Verite “, kote Nickenson Prud’homme chita pale ak James Pierre, li evoke rèv li genyen pou l ta wè Zenglen fè yon konsè ki reyini tout ansyen gwo non li yo.

Zenglen rete youn nan dyaz ki gen anpil moun ki make mizik ayisyen ki pase ladan, kit se pandan yo te ladan, kit se aprè.

Se t ap yon gwo lajwa pou Maestro Nicky, ki depi kèk lane ap fè bonè Harmonik, ta wè tout mizisyen sa yo reyini sou sèn pou sèlman yon sware, nenpòt kote sa ta posib pou l fèt la.

Yon konsè konsa te ka bay sou menm sèn Gracia Delva, Réginald Cangé, Richie, Frero ak anpil lòt atis ki make pasaj yo nan gwoup sa.

Jephte Estiverne