Deblozay ant Vanessa Désiré ak Blondedy Ferdinand

Nan emisyon «Hot seat with Blonde », kote prezantatis la, Blondedy Ferdinand te envite chantèz Vanessa Désiré pou yon ti bat bouch sou dènye albòm li « Full package » ki soti 12 novanm 2025 lan, sa te mal fini ant de pati yo.

Nan moman kote Blondedy t ap evoke yon posib rekonsilyasyon ak Rutshelle Guillaume, youn nan zetwal mizik ayisyen an, Vanessa pa t kache kòlè l jouk li menm rive remèt mikwo epi kite plato a. 

Aksyon sila se yon lòt epizòd nan yon dezakò piblik ant de chantèz yo, Vanessa pa t kache sa nan plizyè emisyon li pase avan sa. Avan sa, 2 atis t ap viv yon amitye solid e bèl nan je kèk moun. 

Sa gen kèk tan, nan yon chita pale ak Carel Pedre, nativ Tigwav la te fè konnen Blondedy renmen l, men konfyolo l ak Rutshelle anpeche l devwale lanmou sa. Sa ki petèt te mennen aktris la envite l nan emisyon sa ki pa lanse twò lontan.

Antouka, petèt gen plizyè lòt chapit ki rete pou dewoule nan liv sa. Se evolisyon sitiyasyon an k ap di kijan sa pral fini.

Jephte Estiverne
Konpaevents