NEWS

Review of La Nuit Du Konpa 2017 @ Bercy in Paris by Kendy Jeanty

Advertisements

Jan sa te prevwa ” la Nuit Du Konpa ” fèt samedi 8 avril 2017 la, nan yon espas ki rele l’accord hôtels Arena Bercy nan lakou Pari kapital peyi la Frans. Bercy lokal ki gen anpil gwo tonton dekò limyè avèk anpil sekirite ak disiplin, yon espas fèmen ki mezire 55 mil mèt kare,kapasite li se 20 mil 300 moun.

” La Nuit Du Konpa ” yon inisyativ de yon jèn gason ki rele Gayèl, Misye reyalize premye édisyon kokenn chèn aktivite sa a kote konpa te tou profite ouvè zèl li sou bout tè François Hollande lan,avèk sipò Master mizik.

Ane sa yo te seleksyone 5 gwoup Konpa apati de vòt entansyon piblik la kite te fèt sou rezo sosyal yo. Gwoup sa yo se Tabou combo, Klass, Tvice, Kreyol La ak Original H ” djaz ki ap evolye nan peyi lafrans”. Festival sa a te kòmanse a 18 tè avèk gwoup mizikal Kreyol la.

Kreyol La te mete anpil animasyon e yo te rive inpak piblik la, malgre konsè a rele La Nwi Du Konpa sa pat anpeche nan cho a Kreyol la te jwe ti kal Rege,ti moso salsa,ak moso zouk. Yo fè kowegrafi ak yon bèl cho tanbou, Kreyol la te mete tout moun sou plezi.

Dezyèm gwoup sware a, se Original H, ki monte yo fè kowegrafi tou ak kèk jèn nan kominote a,e mizikalman yo delivre byen, men’m si inpak piblik la diferan de pasaj kreyol la, nou ka di Original H te byen reprezante pou pwemye eksperyans yo.

Twazyem gwoup mizikal ki vin’n monte bwodè kou pan se gwoup Klass, mizikalman pèson paka di pèfomans djazz sa medyok,men nou rekonèt chwa mizik yo pat nan avantaj djazz la pou fòmil evèneman sa a, ki mande esperyans tou.

Aprè 20 minit poz Tabou combo pral monte ak yon matirite melanje ak eskperyans granmoun nan, San di leve demen anlè chak minit le gran Shoubou malgre 70zan yon vwa jèn ki anflame Bercy.

Mickel Guirand ansyen chantè Carimi te rejwen’n Tabou sou mizik bese ba e Mickel gen anpil apresyasyon nan kominote sa a. Mickel te byen delivre avèk Tabou combo, Dener Ceide ki se pitit kay pat sispan’n epate moun ak solo Gita li yo.

aprè Tabou combo, Tvice te klotire Bercy, sa fè 3èm fwa yo fè Bercy. Men la a responsabilite a te pi lou, paske sa a sete yon aktivite 100/100 konpa, ki diferan de jan Tvice te kon’n patisipe yo. Bèl prestasyon Roberto detèmine, akonpaye ak JB ki se Gitaris OH paske li te vle plis libète, T-vice byen pase elikoptè a te byen vole nan lakou Bercy.

Kendy Jeanty/ Konpaevents Paris

Comments

To Top